Tēnei te tira hou, tēnei haramai nei! Tainui taku waka tapatū ki te moana! Anei rā ko Te Mura o Tāmaki e muramura mai ana āwaho te tuarangi. Anei te tū whakaiti mō mātou te kapa, i tū rangatira mātou i Te Kurarua o Ōwairoa ki te whakanuia i te kaupapa tino whakahirahira mō ngā kura o te whaitua o Te Rāwhiti. Koinei te tū tuatahi mō te nuinga o te kapa, ēngari rā, he tū e kore rawa e warewaretia. Ko wai taku kapa? Ko Te Mura o Tāmaki!
