Google Hangouts

Kia Ora koutou e te whānau,

I tēnei rā i whakawhanaunga te akomanga Te Puna Wairua, he miharo tēnei momo āhuatanga te google hangouts, kei te hari me te koa tōku ngākau nā runga anō kei te whai oranga āku tamariki ahakoa te aha. 

He māmā noa te whakarite tēnei tū momo āhuatanga whakaako ngā ākonga mai te Google hangouts.

Ia rā, ia rā kaha nei mātou Te whānau o Te Puna Wairua ki te  whakawhanaunga kia kore ngā ākonga ka noho pōrangi i waenganui i ngā hararei me ō rātou whānau.

Mā te Atua ka tiaki i tātou katoa i tēnei wā.

Toi

Kia Ora Koutou katoa, i tēra wiki i mahi toi mātou Te Puna Wairua ki te taha o Koka Anahera-Pono he harikoa ngā ākonga nā runga anō ko te hua kua puta mai.

Our Whāinga Paetae:
Kia mōhio te ākonga ki te whakamahi i te peita mā te kaui (string).

Ngā Tukanga:
1: Cover the string in the colour paint that you like
2: place the string onto the paper creating a loop.
3: add another paper ontop of the srting that is underneath.
4: Place a hard covered book on top of the paper and slowly pull the string from the bottom
5: take off top paper and arā! ka put mai te hua.

Tuhi Mai Tuhi Atu Connections...

Waipukehia te awa aa mihi kia koorengarenga, kia puurena. Nei a maatou ngaa uri o te tai whakarunga, o te tai whakararo e rere ngaa mihi waiohatanga ki a koutou ngaa pia o te kura o Taipaa. Anei maatou ngaa uri o ngaa hau e whaa o te waahanga maaori, o te akomanga waananga o Te Puna Wairua e tuku whakamihi atu ki a koutou. Ko Te Aho Matua, te mahi kapa haka, te reo maaori me te mahi tuakana/teina te tino reka o taa maatou nei akomanga. E whai ana maatou i ngaa tapuwae o oo maatou tuupuna, e whai hoki maatou i Te Aho Matua me ngaa maataapono te kura nei, araa, ko Te Kuratahi o Taamaki. Ko eenei a maatou maataapono, araa, ko te Ako o te taiohi, ko te manaakitanga mai i teetahi ki teetahi, ko te kaitiakitanga o te whenua nei, e noho maauiui ana, ko te mana taangata me te tukunga o te whakautetanga, anoo raa, ko te whakawhanaungatanga. Haakoa he aao paakeha kei waho nei, he aao maaori kei roto nei. Ko te tino tuumanko, ka whakawhiti koorero maatou ki a koutou kei waenga teenei tau, hei whakahoahoa, hei whakapiripiri moo te tau nei anoo, noo reira e aku rangatira o aakengokengo,

Tena raa koutou katoa! Naa maatou te akomanga Te Puna Wairua.

...................................................................................................................................................................

E aku rau rangatira mā, anei ko ngā wai e rua o Te Puna Wairua. Ko te ara o te waitahi e rere teretere iho nei ki te paenga o te reo rangatira. Ko te ara o te wairua kua pūrena ana ki te reo Pākehā. Anei mātou ko Te Puna Wairua e whakatau ana ki runga i a koutou Ngāi Tahu, Hokitika. Ko te Kapa Haka tētahi o ngā tino kaupapa ki a mātou, ēngari, ko Te Reo Rangatira me ōna tikanga te kaupapa matua. He akomanga e whai ana ki Te Aho Matua, hākoa te tino aurakitanga o tō mātou nei kura, e ora ana mātou ki roto i Te Ao Māori, pērā ki ngā Kura Kaupapa Māori. E hīkaka ana mātou mō tō tātou nei hononga hou, ka whakarangitaki mātou ki a koutou e te whānau hou, nō reira, anei ngā waiohatanga o Te Puna Wairua e rere atu ki a koutou katoa, ngā mihi!

...................................................................................................................................................................

E te tī, e te tā! Nei Te Puna Wairua e tūpou atu nei i runga i tō mātou nei urunga ki runga i a koutou Ngāi Tahu, Te Hiringa. Anei mātou e noho waimārie ana ki te rangatiaki tahi ki a koutou, ki a mātou anō hoki. “Mā tā tātou hīkoi whakatōmene, ka puāwai te ngākaunui ki te ako”, me hīkoi ngātahi tātou ki te angitūtanga o Te Reo Rangatira, kia whai hoki ki roto i Te Ao Māori. Ko te Kapa Haka tētahi o ngā tino kaupapa ki a mātou, ēngari, ko Te Reo Rangatira me ōna tikanga te kaupapa matua. He akomanga e whai ana ki Te Aho Matua, hākoa te tino aurakitanga o tō mātou nei kura, e ora ana mātou ki roto i Te Ao Māori, pērā ki ngā Kura Kaupapa Māori. E hīkaka ana mātou mō tō tātou nei hononga hou, ka whakarangitaki mātou ki a koutou e te whānau hou, nō reira, anei ngā waiohatanga o Te Puna Wairua e rere atu ki a koutou katoa, ngā mihi!

Nga mahi o Rosie

Nga mahi o Rosie